新新酒家

营业中

休息中

前两日同班朋友去咗睇波，之后成班唔知食乜好。话晒呢几日都好冻，我都已经打咗几日边卢，不过当晚好似得八度，所以我哋成班喺好无头绪嘅状态之下都系选择返打边卢啦。我哋当晚八点半左右去攞位，佢话叫我地等一阵，最后等左九个字。我都明白任食打边炉要求冇散嗌咁高，不过我都系唔会再食，因为成件事好似为咗填饱个肚而去食咁。第一卖相唔好讲，啲汤底好似化学颜料加人工味道一样。红色汤底＋2旧蕃茄但系食物嘅味道离奇地可以有番茄味🤢第二任食配料见到都已经唔想拣，一嚟冇乜选择二黎啲嘢食好似食整完嘅𩠌头𩠌尾咁。我以为拎咗罐可乐，饮落去发现系无气既可乐味，吓亲我😨原来系第二个牌子嘅饮品，真系唔知好嬲定好笑。第三我哋有两位小朋友，当时楼下职员讲话小朋友咁细个可以唔收费，但最后张单系计两个小童钱，同个职员理论佢系极度冇礼貌加手指指同我地讲嘢，最后我哋成餐饭最后尾都唔开心收场。一分钱一分货我明嘅，但系我真系宁愿系屋企食公仔面都冇咁嬲。