道鮨日本料理 (已結業)

呢间位于铜锣湾上楼嘅日本料理，供应omakase，而午市都有供应一啲定食，有熟食、刺身、寿司、海鲜丼等，丰俭由人。呢度地方唔大，但坐得几舒服，好有日式食店氛围。御膳会包左沙律、茶碗蒸、甜品、饮品，沙律好新鲜，清新开胃蒸蛋够热，又滑溜，唯独蛋味唔够浓郁。我点左个吞拿鱼御膳，价值$420，一份10件，全部系吞拿鱼，啱哂我。分别有拖罗、火炙拖罗、两件吞拿鱼腩、两件赤身、四件吞拿鱼蓉卷，摆盘精美。火炙拖罗油份满满，肥脂爆棚，烧完后将鱼油香味散发哂出来，味道超好；拖罗寿司虽然无炙烧，入口滑溜，口感饱满，油香四溢吞拿鱼腩相对无咁肥美，肉质软腍，比一般寿司店食到嘅就已经高几个层次啦。赤身色泽红润，油脂冇咁重，口感清爽，鱼味浓郁，另一种风味吞拿鱼蓉卷都好有惊喜，用上赤醋米饭，加上份量不少嘅吞拿鱼蓉，配合脆紫菜，口感、味道都突出，令人留低深刻印象最后送上一份豆腐雪糕，味道清新冰凉，作为饭后甜品，都甚为出色。