豐鮪

营业中

休息中

舖头坐落喺横街隐蔽嘅地方，入到去基本上成间舖系以全自助形式。店员会俾个QR code你，咁基本上你就scan个QR code睇Menu落。坐落去5分钟，就开始觉得唔系好对路啦。舖头唔太干净，你身边每一台嘅食客都系讲紧普通话。等咗10分钟左右个set就到。望落ok但细份，女仔都系勉强够食。茶碗蒸ok, 其余面豉汤、沙律就正正常常。个丼饭望落赤身、中拖、大拖各2块再加个吞拿鱼蓉烧卖。饭份量好细，拎开个吞拿鱼蓉烧卖就见到个秃头饭。我宁愿去将个吞拿鱼蓉烧卖变返正常吞拿鱼蓉铺喺个饭上面好过啦。每件刺身都切得好薄，基本上食唔到任何嘅鱼味，成个丼都有种廉价嘅感觉。$168呢个水准其实有好多好好多嘅选择。