美都餐室

营业中

休息中

介绍睇得多，点都要亲自上去试下。去既时候系星期六下午，庙街未开始多人，去到亦唔难揾位。大热天时梗系拣楼上有冷气，上到去唔知系因为唔多人定真系有人打扫，环境好企理，台面亦好干净，比想像中好好多。叫左个焗猪扒饭同沙嗲鲜鱿炒面，猪扒饭份量唔算好大，猪扒唔肥，亦冇厚厚既一层面粉，值得一赞。炒面份量大好多，一人食未必食得晒，鲜鱿好爽，面亦好脆，不过沙嗲汁略嫌唔够多。整体来讲呢度同普通茶记好唔同，味道偏淡，亦较著重用料，比较适合女性客人。如果你要抵食夹大件，咁呢度就唔岩你喇。