影片
更多
2013-12-26
4635 浏览
收到主人家的英雄帖后, 只听到朋友话夜上海系米猪莲, 当时仲以为只系米猪莲推介, 点知... 竟然系连续2年得到米猪莲二星 (2013 & 2012 米芝莲二星, 2011 & 2010 米芝莲一星)... 极具中国味道的装潢, 透过落地玻璃门可以欣赏到1881 Heritage的景色... 昏暗的灯光, 好眼瞓呀...6个前菜, 10个主菜, 2个麭点, 6款甜品, 一大群饿狼, 近乎光速的上菜速度, 转盘堆到再堆唔入都仲继续堆, 昏暗的灯光, 射灯射到相机上造成的黑影... 诸多因素(藉口), 出来的相片冇咩艺术感...又白又滑又薄的豆腐, 洒上豉油, 好味!!! 肥美的醉鸡, 强烈的酒味, 好味!!! 好香好脆好甜的脆鳝, 好好好味呀!!!醉猪脚仔, 肴肉, 蒜泥白肉... 比之前3款头盘略逊一筹...有朋友迟咗半个钟, 等齐人终于可以起菜!!!片皮鸭, 鸭皮几韧... 炸子鸡, 有点干, 但比坊间好...清炒河虾仁, 清淡中突显出来的河鲜味, 向来唔系我杯茶... 腰果虾仁, 冇印象有食过, 唔通比人秒杀?!!原条鱼切丝, 鱼肉唔腥, 味道清淡, 肉质好滑溜... 呢个炒三丝真
极具中国味道的装潢, 透过落地玻璃门可以欣赏到1881 Heritage的景色... 昏暗的灯光, 好眼瞓呀...
6个前菜, 10个主菜, 2个麭点, 6款甜品, 一大群饿狼, 近乎光速的上菜速度, 转盘堆到再堆唔入都仲继续堆, 昏暗的灯光, 射灯射到相机上造成的黑影... 诸多因素(藉口), 出来的相片冇咩艺术感...又白又滑又薄的豆腐, 洒上豉油, 好味!!! 肥美的醉鸡, 强烈的酒味, 好味!!! 好香好脆好甜的脆鳝, 好好好味呀!!!
醉猪脚仔, 肴肉, 蒜泥白肉... 比之前3款头盘略逊一筹...
有朋友迟咗半个钟, 等齐人终于可以起菜!!!片皮鸭, 鸭皮几韧... 炸子鸡, 有点干, 但比坊间好...
清炒河虾仁, 清淡中突显出来的河鲜味, 向来唔系我杯茶... 腰果虾仁, 冇印象有食过, 唔通比人秒杀?!!
原条鱼切丝, 鱼肉唔腥, 味道清淡, 肉质好滑溜... 呢个炒三丝真系有食过?!!
红烧狮子头, 向来Not 卖飞佛... 酱烧骨又系未夹到已经无晒...
火腿津白, 金华火腿有d腥... 炒四季豆系我至爱, I Like It~
食麭麭食饱... 生煎麭, 个个都咁靓仔... 仲有好多笼小笼包, 一定要趁热食...
甜品时间... 香, 脆, 薄, 甜的八宝饭, 好好味... 朋友的慕斯卖相好吸引, 布甸伴雪糕卖相就...
冇酒酿味的桂花酒酿丸子... 朋友的炖雪梨 & 合桃露...
菜式由主人家发版, 我都唔知埋单几钱...席间的焦点话题, 除咗主人家的人生有所改变, 仲有嘅就系面包机!!! 受我去玩面包机玩到上咗报纸的影响, 居然成班C9约埋去主人家屋企睇佢部买咗N世耐的面包机示范, 都几搞笑...
难得主人家的新婚老公全晚笑笑口, 唔嫌弃我地几个女人墟的癈话, 冇话走咗去讲电话或者玩电话, 全程投入, 果然, 心中幸福的人是最快乐的!!! 祝你地以后每一天都甜甜蜜蜜!!!
张贴
