紅廚

营业中

休息中

话说过年时，受朋友所托去一间元朗隐世私房菜买红枣糕，一切就由哩底红枣糕开始。朋友系九龙人，六、七年前系长沙湾食过，话一直念念不忘。朋友出到声，唯有亲身走一转，发现地点一啲都唔难揾，离朗屏西铁站行五分钟左右就到，开车的话，经宏达路去凤池村方向，见到鸿运车房直入就系，交通非常便捷。既然要当跑腿，梗系自己都买底试下啦，又确实同坊间食到嘅红枣糕唔一样，松软得如同蛋糕一样，惊喜耶这么一来，一班朋友兴之所至要试埋佢其他菜式，睇下系咪真系好似朋友讲得咁教人难忘，于是就约齐人（一行十一人）去会一会佢。讲明系私房菜，当然要预订（菜单如下），朋友话糯米大鸭同荷包鳝一定要试，不过用餐当晚，杨师傅（主理人）话无鳝，于是改左黄花鱼。1) 冰镇花胶2) 酥炸生蚝3) 豉油皇虾4) 荷包膳5) 糯米大鸭6) 枝竹蝴蝶腩7) 菜扒虾子豆腐8) 杏汁猪腩汤9) 甜品:红枣糕虽然无食到荷包鳝，但整体都确实出色，应该会再约其他朋友去食。冰镇花胶够脆口爽滑，配埋青瓜片，一绝。酥炸生蚝又肥又鲜甜，一人一只实在唔系好够喉😅糯米大鸭，闻名不如见面，杨师傅系厨房拎出嚟已经香气扑鼻，睇住佢不费半点力气就切开只鸭，睇到都知够淋，鸭入面仲