芝味鳥

营业中

休息中

一个人呢头真系唔知食咩好，又唔想去快餐店食。情愿行远小小，行到过黎车房呢头食。始终都系呢度好，三十几蚊既lunch有炸鸡、饭同野饮真系算几抵。而且十二点几都唔使同人迫，唔嫌远既黎呢度开饭都唔错架。炸鸡一向觉得呢度既炸鸡几好食，当然我第一个order点都系即炸既。新鲜既炸鸡宁舍好食，皮脆肉嫩唔在讲啦。而且个炸鸡唔会太干，食落真系够juicy多汁。同其他连锁快餐店既炸鸡无得比。此外，鸡肉真系鲜嫩无比，加上辣椒仔就真系滋味无穷。牛油汁鸡扒饭呢个都算系是日之选，姑且莫论牛油汁既味道。其实俾我既感觉会系忌廉汁，而我既推论都正确既。除左有忌廉之外，都有小小牛油。呢个配搭点都唔会难食既，再加上份量颇多既鸡扒。呢个配搭都算唔错，食完真系好饱。而个鸡扒同炸鸡一样咁嫩滑，呢个算系可取之处。个饭都无令我失望。个汁既份量都几多，饭又唔会太干。好。都算简单既一个午餐，都只系三十几蚊。而且食得好舒服，又唔使同人迫。唔介意既，呢度都系一个开饭选择。