影片
更多
2014-04-29
988 浏览
今晚陪朋友打完波，朋友话不如一齐去就近食野，原来呢位朋友之前已经黎过。见佢推介，咁好喇~就一齐食个饭。 入到去好得意！有啲怀旧，一行行既旧式卡位，但又好企理干净，够晒光猛。好特别地，佢系有8人既卡位嫁！坐低之后，有个姐姐行埋黎温馨小提示我地，话有几个餐好快就停，叫我地如果想叫呢几个餐就要快。既然系咁，我地就好快咁决定叫左佢就黎冇个2个餐，海南鸡饭同埋黄袍叉烧饭。先黎既系叉烧饭，个蛋好滑，叉烧系超厚切！所以只系得5旧左右。叉烧好肥美，钟意食肥叉既我当然冇所谓，但见隔离枱个个将啲肥咬晒出黎，相信嫌太肥既朋友未必喜欢。但喜欢肥叉朋友真系要一试！之后个海南鸡饭好似冇左件事咁，一直未黎，之后问问个姐姐，佢话原来个油菜未得。因为大家都食左一半有多既关系，所以叫佢上左其他先。呢个鸡… 麻麻地，好干，虽然明知佢系冻既，但食落口既感觉，好似食紧隔夜𩠌咁。黄油饭好多姜，劲多个只！黄到有啲假~ 哈哈哈哈… 都系冻的！唔知系咪之前佢地装好出黎等个菜等太耐，等到冻晒。好彩最后冇等个菜，因为个菜系我地停晒手既时候到。哈哈哈哈~ 不得了！ 但waitress姐姐都几好人，算喇~ 点知出去埋单个阵，个收银黑口黑面唔知
入到去好得意！有啲怀旧，一行行既旧式卡位，但又好企理干净，够晒光猛。好特别地，佢系有8人既卡位嫁！坐低之后，有个姐姐行埋黎温馨小提示我地，话有几个餐好快就停，叫我地如果想叫呢几个餐就要快。既然系咁，我地就好快咁决定叫左佢就黎冇个2个餐，海南鸡饭同埋黄袍叉烧饭。
先黎既系叉烧饭，个蛋好滑，叉烧系超厚切！所以只系得5旧左右。叉烧好肥美，钟意食肥叉既我当然冇所谓，但见隔离枱个个将啲肥咬晒出黎，相信嫌太肥既朋友未必喜欢。但喜欢肥叉朋友真系要一试！之后个海南鸡饭好似冇左件事咁，一直未黎，之后问问个姐姐，佢话原来个油菜未得。因为大家都食左一半有多既关系，所以叫佢上左其他先。呢个鸡… 麻麻地，好干，虽然明知佢系冻既，但食落口既感觉，好似食紧隔夜𩠌咁。黄油饭好多姜，劲多个只！黄到有啲假~ 哈哈哈哈… 都系冻的！唔知系咪之前佢地装好出黎等个菜等太耐，等到冻晒。好彩最后冇等个菜，因为个菜系我地停晒手既时候到。哈哈哈哈~ 不得了！ 但waitress姐姐都几好人，算喇~ 点知出去埋单个阵，个收银黑口黑面唔知做咩咁~ 一班人食饭，有人比左钱先，check单再比返都好正常姐。我指住张单问个收银想要，佢竟然嬲爆爆print过张只有一个total数既比我！咁我咪话，我地想睇返个餐几钱嫁咋。佢指住旁边话自己攞外卖纸睇。咁好喇，唯有系咁。点知一行到出门口，打开个张外卖纸，跟本就冇我地个餐！扼人既~ 好彩我有谂住食新野要影相，有影到我地食个个餐既menu咋！
张贴
