Mee...lemongrass (Megabox) (已結業)

近日疫情影响，1945左右去到大概坐满8成左右，唔计封咗嘅台櫈，到离开八点几都有客人入黎食嘢。叫咗Mee喇沙($84)，汤底好香，卖相吸引嘅，每款𩠌都有两件。😊另外叫咗招牌无骨海南鸡饭($82)，鸡肉好’鞋‘，食落口麻麻。加上配普通白饭加啲炸蒜片，口感一般。🙁唯一要赞嘅 - 地道串烧($68) 有两串鸡&两串牛。 配酱好重花生味，同串烧好夹，加上简单两片吐司，中和返串烧嘅油腻👍🏻最失望系甜品叫咗椰汁千层糕($28)，卖相0分！蒸到塔晒，其中一件仲要系切开咗。厨房师傅咁都要出，出菜嘅见到都唔理照比客人。 口感都系0分！劲淋，一啲咬口都无。饮品方面，茉莉奶盖茶都唔推介除非走奶盖。奶盖好薄，饮嘅时候饮到好假嘅vanilla味同埋啲冰令到个奶盖好麻麻，茉莉茶底就正常。埋单$350（要加一）正常价。但唔会返单，难食甜品破坏哂成餐饭。