小火焰韓式咖啡廳 (樂富廣場A區)

营业中

休息中

餐牌厚厚几叠，上传唔到咁多张相，反正自助落单都一目了然。午餐时段要留意category 要揾番「午餐套餐」系列字眼㩒入去先会显示午市套餐选项。加配「迷你温泉蛋蟹籽沙律」都唔少蟹籽，算抵食。加配「脆香牛油鸡翼」劲重牛油味。「北寄贝水冷面」5片北寄贝，水冷面有啲位仲系黏住未够松散。「泡菜烧猪颈肉拌饭（辣）」亦系bb辣吊味嘅程度，猪颈肉厚薄适中，见附近几枱都叫有猪颈肉嘅午餐。「糯米糍3.6牛乳雪花冰」糯米糍冇咩馅，棉花冰就捞咗杏仁片。「热蜂蜜柚子茶」（少甜），可能为咗要调较到少甜，连柚子蜜浆都落少好多，变相成杯嘢连柚子味都淡埋。加配「芝士炸鸡」炸得太干但又唔脆，鸡嘅肉汁都冇埋。「汁烧茄子牛肋条配韩式拉面」牛肋条煮得好腍，咀嚼无碍，茄子切小粒吸哂酱汁，韩式拉面即系即食面。「汁烧牛肉温泉蛋伴饭」蛋牛饭三样捞埋都好难输，再加紫菜椰菜丝，食完冇咩剩。「松露曲奇脆脆3.6牛乳雪花冰」初时以为系松露朱古力，原来用黑松露酱加入去雪糕度，所以间中𢳂几啖会食到松露酱些微咸味。棉花冰藏咗极多榛子杏仁碎，保证嚼到牙软但本人buy👍🏻，nuts控啱哂！加配「凉拌大豆芽」属于friendly辣，捞埋落饭仲几好送饭。👍