何車車仔麵 (大南街)

营业中

休息中

好食嘅车仔面车仔面由细食到大，而呢间我觉得比较特别，呢间车仔面系会令我食完一次又想再去嘅一间唔同一般车仔面，佢哋有唔同汤底可以拣，而且仲有捞面添。当日唔系太肚饿，所以只系拣咗河车10𩠌捞面，冇叫小食，但见佢小食都相当吸引，下次要试吓先。我哋叫咗河车嘅蒜油虾子捞面，两碗都系10送，但系一碗系捞粗一碗系捞幼面。 我哋贪佢有10送，样样𩠌都可以试吓，下次就可以叫返钟意食嘅𩠌菜啦。 老何十𩠌有： 猪皮，猪大肠，猪红，萝卜，鸡翼尖，鸡翼，陈皮鱼蛋，烧腩肉，鱼片头，炸腐虾卷。 我就觉得样样都好味，除咗个猪大肠入边啲油脂可以清鬼晒佢，其他真系冇嘢可以挑剔啦。 因为我哋试咗捞粗面同埋捞幼面，我就觉得捞幼面会吸多啲虾子，感觉好味啲。