影片
更多
2021-10-25
199 浏览
由于疫情关系，我留多咗时间喺屋企🏡，即使而家餐厅堂食逐渐回复正常，但我都留意多咗有乜足不出户嘅搅作😜。同朋友倾开呢个话题，佢就推介我试吓「一口沙嗲专门店」。佢之前已经帮衬过，今次叫我试其实系想夹单🙈。不过确系有我著数，因为买满十盒沙嗲串，就可获赠一个串烧专用电炉♨️。由于佢屋企有，所以就唔同我争，哈哈。我哋打电话去落单，印象中店员话买满$500就可以送货🚛，但见门市地址咁近屋企，就决定自己走一转仲好。串烧一共有四款口味🍢，每盒12串，分别有沙嗲鸡肉($70)、沙嗲猪肉($75)、沙嗲牛肉($80)同埋沙嗲羊肉($85)。原本我以为大家都腌咗味，所以未必咁易分到边款肉打边款，但估唔到猪牛羊鸡嘅味道各自都咁显著😍。个人而言，鸡肉同羊肉最好味道，🐔鸡肉肉质嫩滑，🐐而羊肉就好香，膻得嚟唔会过份强烈。串烧以外，酱汁亦系精华所在🤤，佢有两款手工花生酱以供选择，分别系原味同辣味，售价同样系$40(200g)。两款味道都几唔同，其中辣味会再惹味少少🌶，因为有虾米同辣椒，口感亦丰富啲。电炉有啲似小朋友扮家家酒嘅炉具，不过佢并唔系得个样，火力都几平均🔥，一次过可以烧最多六条。铁板下面设有两个盘仔㷫热啲酱，设
佢之前已经帮衬过，今次叫我试其实系想夹单🙈。不过确系有我著数，因为买满十盒沙嗲串，就可获赠一个串烧专用电炉♨️。由于佢屋企有，所以就唔同我争，哈哈。
我哋打电话去落单，印象中店员话买满$500就可以送货🚛，但见门市地址咁近屋企，就决定自己走一转仲好。
串烧一共有四款口味🍢，每盒12串，分别有沙嗲鸡肉($70)、沙嗲猪肉($75)、沙嗲牛肉($80)同埋沙嗲羊肉($85)。原本我以为大家都腌咗味，所以未必咁易分到边款肉打边款，但估唔到猪牛羊鸡嘅味道各自都咁显著😍。个人而言，鸡肉同羊肉最好味道，🐔鸡肉肉质嫩滑，🐐而羊肉就好香，膻得嚟唔会过份强烈。
串烧以外，酱汁亦系精华所在🤤，佢有两款手工花生酱以供选择，分别系原味同辣味，售价同样系$40(200g)。两款味道都几唔同，其中辣味会再惹味少少🌶，因为有虾米同辣椒，口感亦丰富啲。
电炉有啲似小朋友扮家家酒嘅炉具，不过佢并唔系得个样，火力都几平均🔥，一次过可以烧最多六条。铁板下面设有两个盘仔㷫热啲酱，设计几贴心，并将炉嘅功能发挥得淋漓尽致。
但如果肚饿嘅话🙈，你亦可以预先喺厨房用微波炉或光波炉等预热整熟。到食嘅时候，再喺电炉上面烧返几下就OK。
总括嚟讲，呢日藉住阿妈生日，就喺屋企搞咗个串烧Party🎉，实行自肥企划。大家都好满意，食得滋味，玩得开心。串烧一包有成12串，一次过开晒4包其实食唔晒，但喺屋企食又有乜所谓㖞，留返下次食，再玩过😁！
沙嗲羊肉
$85
21 浏览
0 赞好
0 留言
沙嗲鸡肉
$70
11 浏览
0 赞好
0 留言
张贴
