夏雪 (已結業)

听朋友话呢间野几好食, 所以同男朋友试下!一上到去, 当时无咩人, 带位果个就带我地2个坐一张4人台, 先点左2客寿司, 1个蟹子沙律同1个蚬肉面豉汤, 个蟹子沙律一d都唔冻, 面豉汤d蚬肉有沙既! 每次一食完就即刻过黎执野, 最过份就系连碗汤都未饮完, 仲有一大半, 佢都够胆死走过黎问收得未, 我当然答佢未得, 都未饮完! 跟住再点多个猪扒锅, 食到一半时, 由于开始多人黎食饭, 可能有几班3-4人既客人, 其中一个侍应就走埋黎问我介唔介意转台, 但, 当时我个锅已经食到一半, 有咩理由叫我呢个时候转台家?? 我亦都答佢我介意, 结果佢就再向我隔离台果2个人埋手, 因为佢地d送岩岩黎, 佢地就转左台, 跟住有2班4个人既客人上黎, 当我食完个猪扒锅时, 呢头食完, 果头就已经有侍应走埋黎话帮一帮我地执野先, 劲想赶客走咁, 喂, 有无问下我仲有无野叫先?? 本身我仲谂住叫野食, 根本都未饱, 就算我食完哂, 都唔系即刻做埋呢d动作黎赶客走呀? 唔通坐多阵都唔得呀? 结果, 就即刻发火叫佢埋单, 个侍应就唔敢出声, 连张单都只系敢比我男朋友埋! 我觉得唔识安排客人坐位既就去学下喇!