OPPA Coffee Bar Restaurant

营业中

休息中

以为食韩国野一定无死，就算唔好食应该都唔会差得去边，今日遇到呢间舖冲击到我对韩国食物嘅认知。首先入到去个个都忙，企左好耐都无人打算招呼我，好在侍应态度都几好，挽回少少分数。坐底后就睇餐牌，见到样样都好想食，就随量叫左几样试下。首先黎嘅系泡菜炒饭，侍应会喺我地面前整，倒蛋酱撒芝士再用火烧，其实好担心佢个火会整到自己，因为都几近下，而且烧嘅时候好热，烧好后佢捞均就可以食了。啲饭可以拉起一条条芝士幼丝，食落口饭质都几湿，味道还可以但唔算好特别。炸紫菜包饭，佢话系釜山独有口味，一咬，旧野系无味的，就算点左野都改变唔到无味嘅事实，入面净系得萝卜丝，然后就咩都无，唔叫好过叫。三色煎饼，泡菜煎饼喺我印象中系好味嘅，但呢间嘅出品真系难以接受。三色分别系泡菜，葱同南瓜。全部好似无煎过就上碟咁，咬落又湿又粉，唔知想点，完全对唔住个价钱。芝士排骨，同泡菜炒饭个做法一样，喺面前烧再用芝士包好每条排骨，但事实上无需要包住，因为芝士同排骨唔太夹，而且排骨太咸了。