影片
更多
2024-01-24
2020 浏览
JK Brothers 讲咗好多年都一直冇机会试，昨日天气突然转冷，又行经附近，拿拿临上去打个一人边炉。首先必须要赞嘅系真心抵食，晚市 150 分钟 $149 加一，去边度揾😂？可以拣鸡煲，但我一个人，食完啲鸡应该饱咗七成，所以就斋打边炉算啦。免费汤底有九种选择，我拣咗日式黑蒜油豚骨汤底，偏咸。首先试下前菜同熟食，辣味螺肉现成货正常味道，吉列炸蚝同沙嗲串烧够热好食，炸香蕉就有啲搞鬼，原来系炸香蕉糕😂。除咗肉类，所有食物系自取。我最欣赏佢哋嘅丸同饺款式几特别，例如芝士流心牛丸，咖哩流心鱼蛋，金沙流心咸蛋丸，同埋韩国泡菜饺，得意之余味道都唔错。另外就系居然有我最爱嘅莴笋😍，唔系好多任食都有，呢个真心赞。仲有细细粒嘅炸油扬，唔渌咁熟用肥牛包住食，少少脆，好滋味。至于主菜肉类，有猪牛鸡，我只叫咗肥牛同鲜牛肉，前面就一般，后者好食好多，有牛味，渌耐咗都唔会好嚡。甜品有热辣辣嘅奶黄牛角包同流心芝士挞，两个都好好食，前者虽然略甜但牛角包酥皮焗得超脆，后者都系偏甜但芝士味浓郁，如果唔系太饱，我会 encore。至于雪糕嘅品牌未见过，款式几特别，我拣咗 earl grey，味道比想像中淡，又系𠮶句，如果
首先必须要赞嘅系真心抵食，晚市 150 分钟 $149 加一，去边度揾😂？可以拣鸡煲，但我一个人，食完啲鸡应该饱咗七成，所以就斋打边炉算啦。免费汤底有九种选择，我拣咗日式黑蒜油豚骨汤底，偏咸。
首先试下前菜同熟食，辣味螺肉现成货正常味道，吉列炸蚝同沙嗲串烧够热好食，炸香蕉就有啲搞鬼，原来系炸香蕉糕😂。
除咗肉类，所有食物系自取。我最欣赏佢哋嘅丸同饺款式几特别，例如芝士流心牛丸，咖哩流心鱼蛋，金沙流心咸蛋丸，同埋韩国泡菜饺，得意之余味道都唔错。另外就系居然有我最爱嘅莴笋😍，唔系好多任食都有，呢个真心赞。仲有细细粒嘅炸油扬，唔渌咁熟用肥牛包住食，少少脆，好滋味。
至于主菜肉类，有猪牛鸡，我只叫咗肥牛同鲜牛肉，前面就一般，后者好食好多，有牛味，渌耐咗都唔会好嚡。
甜品有热辣辣嘅奶黄牛角包同流心芝士挞，两个都好好食，前者虽然略甜但牛角包酥皮焗得超脆，后者都系偏甜但芝士味浓郁，如果唔系太饱，我会 encore。至于雪糕嘅品牌未见过，款式几特别，我拣咗 earl grey，味道比想像中淡，又系𠮶句，如果唔系太饱，会试埋海盐味同豆腐味。
据闻好似做到三月🥺，听讲生意好差，虽然昨晚所见有八成满，估计系突然变冷嘅原因。希望呢两个月有转机啦💪。
张贴
