菊一壽司

营业中

休息中

石门呢到有几十间餐厅，因为商场仲系入伙初期，好多都系小店，所以容易寻到宝。呢间日本野性价比真系超高，三文鱼系每日新鲜㓥，净系呢样我谂好多餐厅都做唔到。呢个系我成日食既三文鱼拖罗饭 ($54)，另外叫师傅帮我加只温泉蛋 (其实唔加蛋都够食)。三文鱼唔洗问，新鲜一条自己处理，唔系买一旧旧切好左戈d番黎解冻。味道其实我觉得好过千两 (唔太知有咩超好食既三文鱼，千两我觉得算系好好)，有过之而无不及，＄50几蚊食到仲想点？拖罗碎同葱一齐食，加少少豉油，份量唔少，正。其实佢蟹籽都系有心思，份量好多，仲要唔系寿司舖冇味戈d橡胶蟹籽，系靓d既货。另外，虽然唔系个个会食，不过我中意食佢个d配菜，姐系酸瓜同姜。然后你会问，讲到咁好点解会系＄54？有咩可能做到呢个价？因为呢间唔系一间餐厅，比较似外卖店，依家可以坐呢个舖出面戈d櫈，或者企系佢bar枱到食，夜晚的话就可以坐系bar枱到食。想食好d就问下师传，佢会介绍隐藏餐单俾你，有好正既佐口鱼附上手卷menu，听讲会出豪华版既海胆带子手卷戈类，自己了解下啦。