日日香鵝肉飯店 (黃埔新邨) (已結業)

日日香系一间喺汕头开过黎嘅卤水鹅专门店，食店主打不同部位嘅卤水鹅，除左鹅肉，鹅肝鹅肾鹅肠鹅头鹅颈鹅心鹅翼鹅掌鹅蛋鹅脾全部有得食，虽然只得鹅肉独沽一味，但因为日日香用嘅系正宗狮头鹅，而且鹅只都系黎自自家鹅场，所以货源保证新鲜。香港嘅卤水店通常都系本土老店，食客坐喺折凳上面，枱面总系立痴痴，环境比较麻甩，通常都系有返咁上下年纪先会去食。日日香相反走明亮简洁路线，环境干净企理，座位唔会太迫坐得都舒服。特级卤水鹅皇饭($128) - 虽然索价要过百蚊一碗，但份量好足，里面有鹅片、鹅肾、鹅肝、鹅肠、鹅蛋同豆卜，总意食内脏嘅就啱晒，可以一次过试匀几个部位。鹅片肥瘦适中，肉质嫩滑，口感有啲似食紧鸭胸，卤水味道浓淡度啱啱好唔会太咸，我自己就钟意蘸啲白醋一齐食，多左阵酸味冇咁腻。鹅肠好爽口，平时打边炉食嘅鹅肠都会痴住好多肥膏，但哩度嘅鹅肠完全冇肥膏，大大啖食都唔怕。鹅肾爽口得黎唔会太硬。食惯法式煎鹅肝嘅朋友应该最唔满意系哩个卤水鹅肝，因为佢口感系比较实但少少粉感。鹅蛋比鸡蛋大只，蛋白位比较硬同有弹口，口感有啲似食紧台湾嘅铁蛋咁。墨鱼($50) - 国内嘅日日香只卖鹅肉，但香港分店都有加入腩肉、猪手同其他