上岸料理 (已結業)

依间日式嘅上岸料理，门面唔太起眼，但食完先知喜出望外，连正宗日本人都嚟帮衬添。 内在环境唔算好大，装修都系以柔和嘅木枱，木凳，木柜配合，有著传统日本家庭嘅风格。 第一道系前菜，青瓜配带子裙边。带子裙边腌制得好好味，青瓜新鲜爽口。 呢碟菜上枱嘅时候，我哋完全唔知道侧边有刺身。仲谂住中间点会有左口鱼系入面呢?师傅刀工精湛，切到啲刺身好薄好薄。左口鱼味淡，配合埋中间嘅明太子，怱，海藻一齐食，别有一番风味。 日本水八爪鱼，八爪鱼最好食系个吸盘，咬落去卜卜脆， 口感独特，令人一试难忘。 吞拿鱼温泉蛋沙律，配合特制嘅黑醋。食落去酸酸may May，加埋温泉蛋嘅蛋浆，配搭一流。当然不得不赞吞拿鱼嘅新鲜度，完全冇被黑醋盖过晒啲味。 火炙寿司五件，分别有三文鱼，吞拿鱼油渍，鲷鱼，油甘鱼等等， 每一款唔洗点豉油都够味。每款口感，味道都不同，有些更充满油香。 汁烧牛小排， 卖相已经非常吸引。入口味道亦非常香，而且口感软腍，而带一点嘅嚼劲。 旁边既芥末酱，更能带出牛浓郁嘅味道。 松叶蟹脚天妇罗。第一次食松叶蟹脚带做嘅天妇罗，味道特别鲜甜，而且松叶蟹蟹味独特而好香， 外层炸得皮薄又够酥。 再黎一串好好味嘅烧豚肉