NUTTEA (海光街) (已結業)

呢间手摇舖头就系正我公司楼下，平时同同事食完午饭都会去买杯手摇返Office叹吓，今日终于有时间写下review。首先佢系主打用坚果奶去冲唔同种类嘅嘢饮，所以对牛奶敏感，或者好似我咁样生劲多暗疮，都可以放心饮用！而且非常健康，完全冇罪恶感！最重要嘅系，呢间舖头系黄店！五大坚果，缺一不可！舖头嘅职员都好好服务态度。我今日叫咗限量发售嘅伯爵朱古力坚果奶盖。佢同平时嘅奶盖非常唔同，佢有浓郁嘅坚果味，所以一啲都唔腻，而且份量仲有好多！朱古力再加伯爵茶实在太夹！我个同事就叫咗火龙果奶盖。呢杯系我介绍佢饮嘅。完全打破咗佢对水果手摇嘅概念。首先火龙果汁好新鲜，然后同个奶盖出奇地配合！一边健康，一边少少邪恶，融合得天衣无缝。