好媽媽台灣館 (已結業)

好耐之前睇过有饮食节目介绍过哩间台湾餐厅一直都有兴趣去试下，今日黎开太子就谂起黎试下。入到黎已经感受到一种家庭式经营餐厅既感觉，感到亲切。叫左哩杯布丁奶茶，跟牛肉面套餐加$12，几抵！布丁好滑配埋奶茶好夹又好饮。黎到食台湾菜都会叫番碗牛肉面！牛肉好林，汤底都几鲜，面条煮得弹身有咬感！炒米粉唔系间间有，哩度用左好幼既新竹米粉炒至干身，简单既调味已经好好食，哩个表示有意外惊喜。哩碟盐水鸡虽然卖相普通，但一咬鸡肉已经食到肉实少脂肪，有鸡味，系连皮都可以食埋。特登要影蚵仔大特写呀！因为真系几大只，而且好新鲜，一碟入面都有几多既蚵仔，睇得出餐厅用心制作！台湾既肠仔真系几好食，带有少少甜又香口，喜欢食生蒜既人可以试下夹埋一齐食。