咖啡閣

营业中

休息中

娘亲最爱食拿破仑饼，知道呢间酒店芒果拿破仑系名物，于是系酒店Eshop订左一个，仲有折扣，打去confirm原来已经唔需要print out个收据，可接受电子版本，十分方便及支持环保。订左2点取饼，早左少少到酒店，职员问左电话号码就知道订单。揾左阵发现蛋糕未送到落黎，有细心解释因为会按时新鲜制造，听到非常加分👍🏻但知道客人黎左都会跟进饼房进度。等左15分钟，一个新鲜既芒果拿破仑拎左黎，职员再次细心讲解个蛋糕可能未雪实，要小心拎及尽快回家放番雪柜。当晚再取出食用，芒果十分甜美，厚切好满足，应该用上吕宋芒品种。拿破仑下层有吉士同埋酥皮，围边铺满杏仁，虽然样子同其他拿破仑唔一样，但食落感觉仲满足，啖啖都有吉士，又唔太腻。终于明白成为名物既原因。