牛角日本燒肉專門店 (已結業)

7‧1假后番工要OT，放工又系宵夜时间咁滞，唔知食乜好，由地铁站上地面途中见倒牛角广告，喺香港开店咁耐冇帮衬过，太多人呀！所以就决定上去开餐。还好呢个时间真系唔驶等位，直接安排入座。呢个烧肉夜割时间，几款烧肉特价由30%到50%不定。我地都点左几款特价食物，包括王样腹胸肉(盐味牛油)﹑上级牛肋肉同芝士鸡腿肉，另外点了厚烧烟肉﹑香蒜牛油一口牛同石锅泡菜豆腐海鲜汤。烧肉工具都几齐，又有钳又有剪，点肉既汁酱有三款，我唔记得系咩，只记得好咸，同埋本身啲烧肉已调味，所以冇乜点食。烧肉逐碟上嘞，卖相其实一般，𠮶啲有牛油或芝士既以锡纸兜另上，系将成个兜放上网度烧，烧左肉先，再放入个兜沾牛油或芝士，第一次见。所有食物同平时既烧肉料理差不多，冇话特别出众，反而泡菜豆腐锅好味，亦令我想起泡菜国料理。其实以佢既质素，个价钱有点偏贵，但我地喺特价时段食还好啦！要我排队就唔好了。唔知日本店系咪会好食啲既呢！