南方 (已結業)

临睇电影🎬前决定系附近揾餐厅食个快饭赶入场 见到大坝街开咗几间新餐厅 我地就入咗间新装修既铺头 装修得几靓 以为卖台式饮品 点知原来系卖本地车仔面 望落价钱唔算贵 一于入去试一试🏃🏻‍♀️🚶🏻‍♀️餐厅🍴采用自助方式 自己随意入座 睇餐牌 再自己到收银处点餐 拎咗收据后 听到水吧位置嗌收据上既号码后取餐 当客人不算多时 侍应都有帮手送餐 我觉得咁既方法都几好😋
睇一睇餐牌 都有唔少选择 面食有八款简 常见既有河粉 油面 粗面幼面 仲有拉面🍜 𩠌就有二三十款 都多野简 有经典类 有怀旧篇 饺、丸仲有素菜 算系几贴心 我同朋友各嗌一碗车仔面 佢简咗粗面 萝卜 猪 同猪颈肉 加咗$10转配珍珠奶茶☕️ 而我就嗌咗河粉 配萝卜 咖哩鱿鱼🦑同埋酱炇牛肚 汤底虽然系清汤 但汤头都有味 唔会话太淡 河粉正常 份量适中 萝卜几清甜 咖哩鱿鱼唔错 爽弹略有辣味 而牛肚炆得算几入味 成碗整体唔错😆
饮品我加配红豆冰 够哂冻消暑一流 几好饮 唔会偏甜 牛奶🥛同椰汁🥥味并全 另外我地仲嗌咗款小食 炸虾🍤丸 其实系炸龙虾丸 够哂热 应该系即炸 外层好脆 附上咗泰式酸辣酱 配埋岩岩好👍🏻
整体黎讲 平均我地一人食咗$5