Outback Steakhouse (愉景新城) (已結業)

下雨天, 下班后到达愉景新城, 仲犹豫紧晩餐食咩好。逛逛下见到OUTBACK, 仲做紧特价, 不论外卖定堂食都系呢个价钱(只系差10%既服务费)。因为实在太想食佢地个黑糖麦包, 见到有位, 二话不说就走入去食啦! 我地点左烧虾凯撒沙律同芝士白汁烧虾宽面, 仲有大既STELLA ARTOIS 生啤, 由于真系太口渴, 个生啤冇影到相就清左了。首先黎左个黑糖麦包, 个包真系好正, 配埋个牛油, 绝配, 我地2 个人不知不觉食左3 条。跟住黎左是日餐汤 - 青瓜汤。个汤个清清地, 但好重牛油味。烧虾凯撒沙律 - D 虾烧到刚刚好, 调味唔太咸, D 菜好新鲜, D 汁略咸, 但整体好好味。芝士白汁烧虾宽面 - 调味刚好, D 面软硬度刚好。老公极力称赞好味。埋单以呢个价钱黎计, 真系好抵。