翰林茶館 (已結業)

近期香港真系出现超多台式饮品店，但最期待都系呢一间翰林茶馆，因为佢哋系台湾非常出名，更加系发明珍珠奶茶嘅始创。佢地今次开咗喺海港城入面，除咗台式饮品之外，仲有好多台式嘅食物可以点选。椒盐花枝丸呢个味道唔错，最紧要上枱时新鲜热辣非常香口，而且内里仲有好多花枝粒，口感相当丰富。台式烤香肠呢个真系正宗台湾味道，食时可以配上蒜片一齐食，好有台湾嘅风味。而佢嘅卤水食物亦相当出色，特别喜欢卤水猪耳，佢首先猪耳相当厚切，质感相当爽口相当好味。红烧牛腩茶面份量都几多，特别喜欢佢用茶面食时相当健康，红烧牛腩则相当惹味。草莓果粒冷泡红茶，饮完非常清新，而且仲有淡淡果香，饮完真系可以令到个人非常放松。