影片
更多
2021-11-05
308 浏览
今日同老婆去左食梦，一间怀石料理配上Omakase, 如果要直接讲结论就系：视觉＞味觉。 佢唔系唔好食，但俾唔到我会想回头要食既感觉。 但如果字食过既，一试都无妨，食物好igable。我拣左「梦」set,太太拣左「紫」set，两个分别除左「梦」有和牛，「紫」无，「梦」无寿司五贯，「紫」有外。 主要「梦」会提供啲相对比较贵少少刺身。 -牛油皮包住三重县栗子蓉。一入口系几浓嘅牛油味，之后就会食到温暖嘅栗子蓉，有栗子香味同埋都几甜。 八寸摆盘好靓，入面既食身会因季节/来货而改变。而我无记低🤣🤣🤣🤣 所以未能介绍。但全部既味道都唔错，包含晒冷热咸甜，帮大家打开味蕾，开始今晚盛宴。右口鱼刺身用盐板方式上碟，肉质紧至，鱼味浓，鱼油都丰富。青柠可以去除油腻感。 另一个系包住姜丝等既配搭，味道几好👍🏻帆立贝他他+薄脆：柚子，红豆，紫菜帆立贝加入左柚子/青柠，加上食用花做点缀，视觉上十分赏心悦目，味道上系清新既，但无左帆立贝应有既鲜甜味。 面头既法国鱼子酱就食噱头多过食味道。 同样被柚子/青柠既味道盖过左。个薄片就无咩好讲，因为食唔多出佢声称加左既材料既味道。 总括依然，相比之下我同太太都系比较钟意食原
但如果字食过既，一试都无妨，食物好igable。
我拣左「梦」set,太太拣左「紫」set，两个分别除左「梦」有和牛，「紫」无，「梦」无寿司五贯，「紫」有外。 主要「梦」会提供啲相对比较贵少少刺身。
-牛油皮包住三重县栗子蓉。
一入口系几浓嘅牛油味，之后就会食到温暖嘅栗子蓉，有栗子香味同埋都几甜。
八寸
摆盘好靓，入面既食身会因季节/来货而改变。而我无记低🤣🤣🤣🤣 所以未能介绍。
但全部既味道都唔错，包含晒冷热咸甜，帮大家打开味蕾，开始今晚盛宴。
右口鱼刺身
用盐板方式上碟，肉质紧至，鱼味浓，鱼油都丰富。青柠可以去除油腻感。 另一个系包住姜丝等既配搭，味道几好👍🏻
帆立贝他他+薄脆：柚子，红豆，紫菜
帆立贝加入左柚子/青柠，加上食用花做点缀，视觉上十分赏心悦目，味道上系清新既，但无左帆立贝应有既鲜甜味。
面头既法国鱼子酱就食噱头多过食味道。 同样被柚子/青柠既味道盖过左。
个薄片就无咩好讲，因为食唔多出佢声称加左既材料既味道。
总括依然，相比之下我同太太都系比较钟意食原粒，食鲜甜味既帆立贝。
缟虾，雉羽太
缟虾：主要系北海道产，第一次食同听🤣 但真系好好好食同新鲜，有虾既鲜甜味，虾身肉质都好紧致。👍🏻👍🏻
雉羽太：属班类既鱼，所以肉身会比较实，鱼味都几重，唔错👍🏻
大蚬、蚝叶，蚝膏，蚬汤
全晚最鲜既一道料理，先饮一杯用大蚬煮成既蚬汤，一个字：鲜！！！ 好好饮，如果大杯少少就好啦😁
再食埋用大蚬肉做底，配上蚝叶同蚝膏，呢一啖真系鲜上加鲜既配搭👍🏻👍🏻 十分好食
刺身三味：秋刀，黑鯥鱼，吞拿鱼三食
秋刀：时令，入口时候鱼味唔浓，但原来after test 先黎料，好食既。
黑陆：鱼皮经过火炙，逼出左鱼油，同时多多一层火炙香味。好食👍🏻
吞拿鱼三食：基本既赤身、中拖、大拖罗。无根，但入口口感三款都系偏实，大拖油脂感系丰富既，但鱼味就比较偏淡。 相比下拿吞拿三食比另外两款失色。
喜之次配萝卜底+莼菜，配虾汤底
喜之次：鱼皮经开处理，十分香脆，肉质好细致，系我食过最细致既鱼肉👍🏻👍🏻👍🏻
个底就用萝卜盛载住莼菜，个汤就用虾熬煮出嚟嘅汤底。
莼菜：个人唔钟意，因为佢同秋葵一样，有一种好似鼻涕咁嘅黏稠既液体包围着，个人顶唔住个口感😅 而味道上都冇咩好大特别。
萝卜：冇渣，但唔甜同冇萝卜味……至于个虾汤，有少少虾味，但唔算浓郁。可能个蚬汤太出色。
红蟹，大闸蟹膏配哈密瓜陈醋
拆肉红蟹加上大闸蟹蟹膏，呢个组合除非只蟹臭，如果唔系基本上唔会唔好食，蟹膏甜嘅，入边再配上清甜既哈密瓜，中间会有一层陈醋，增加左成个𩠌菜嘅层次，炸米亦都增加左口感，但当我食到陈醋𠮶时，个脑即使出现咗猪脚姜，因为真系𠮶阵味🙈 但总括来讲呢碟系唔错嘅
A4和牛
一入口𠮶时满嘴油香👍🏻 配上自家特制嘅XO酱👍🏻👍🏻但比较可惜嘅就系我𠮶旧overcook左少少，接近6-7成熟😅 但基本上都冇乜嘢好弹。 好食🤪
海胆创意料理
海胆+黑松露+寿司饭+鱼子。 职员话呢碟系佢哋公司嘅signature之作，个人觉得系好食嘅，海胆新鲜，冇臭味，都冇咩明矾味，新鲜即刻黑松露，香味突出👍🏻👍🏻👍🏻 但作代表作既话记忆点唔系好突出😅😅
黑松露risotto
职员话用咗日本糯米，口感烟韧， 厨师加入左自家高汤煮呢个饭，最后洒上新鲜嘅黑松露，香味十分，呢个饭都十分好食，佢比海胆创意料理更有记忆点🤣
最后甜品
海盐雪糕加上食用银薄。
晴王提子配上香槟啫喱，平时买$1xx蚊既香印仲好食过佢🤣 完全唔甜🙈
张贴
