Cocina 3 Tapas Restaurant & Bar (已結業)

大角咀系一个美食绿洲，有连锁餐厅，有街头小店，有各式各样中西日韩不同价位美食，任君选择。从新界大西北远赴奥海城同朋友聚餐，选择左一间位处第一期比较远离商场嘅西班牙菜。望入去好神袐，楼底超高，好有空间感！尤如置身西式古堡食饭安排坐系卡座，可以慢慢倾计食饭~一坐底就比左两个餐前小食：墨西哥粟米片及面包餐厅提供嘅二人套餐好吸引，对于有选择困难嘅我，唔洗烦！先嚟餐汤：番茄杂菜汤，自然嘅番茄酸味及蔬菜味道，好开胃。前菜我地选择左香煎蟹饼，听讲好多人推介。两大个好原肉，入面充满蟹肉鲜味，啖啖都食到足料蟹肉，炸到唔过份，唔会太油腻。主菜好快就上台，点左海鲜饭及猪腩肉。西班牙海鲜饭有青口，带子，西班牙腊肠，非常惹味，两个人份量真系食唔晒。烤猪腩肉肥瘦各一半，食落唔觉腻，入口即化，有一种满足又邪恶嘅感觉拌碟嘅蔬菜烤到刚刚好，新鲜又香口。最后上埋是日甜品，系我最爱嘅焦糖炖蛋，入口非常creamy～～～ 一个人都可以KO到跟碟上仲有朱古力味极之浓厚嘅Brownie，朱古力爱好者必定爱上，口感实的的，呢个系惊喜。