影片
更多
2017-02-26
796 浏览
于年多、两年前曾到访过Seafood Stand红磡店，仲记得佢哋啲汉堡做得唔错，当其时仲留意到有一款素汉堡「野菜农场烤菇堡」，啱晒我老婆。最近，听朋友讲晌乐富开咗新店，而且，大间咗好多，点都要俾老婆嚟试一试依个素堡。餐厅位处乐富广场嘅另一边，所以，出咗地铁都要兜一兜先揾到。环境确实比红磡店大好多，而且，都喺用餐嘅餐枱（因为红磡店全部都喺高脚枱櫈），比较好坐啲。装修无红磡店咁美式风，但佢睇得出仍以海洋为主题，如海洋相关嘅海报、喷画、壁灯及一啲拉起吊灯嘅麻绳，配合上柔和灯光，感觉舒服轻松。食物方面，仍以海鲜及汉堡为主打，此外，仲有小食、沙律、汤品、肉类及意粉，数数吓，都有几多选择。饮品方面，咖茶汽水以外，更有多款特饮，我就拣咗杯特色咖啡，而老婆亦拣咗杯特色花茶。餐牌有多款小食，最好就点杯啤酒嚟配搭，所以，店家亦有生啤、手工啤供应，而且，更有埋餐酒添。不过，最著数就梗喺点啤酒，因为见门口贴咗张推广单张，就喺惠顾啤酒有买二送一优惠，唔怪得当晚都见唔少人队番支啤。可惜我同老婆都唔好啤酒，实在无福消受。法国鲜蚝汤 $48外貌唔讲嘅话以为野菌忌廉汤，当然，一入口就明白喺鲜蚝汤，皆因蚝味非常浓郁，鲜
餐厅位处乐富广场嘅另一边，所以，出咗地铁都要兜一兜先揾到。环境确实比红磡店大好多，而且，都喺用餐嘅餐枱（因为红磡店全部都喺高脚枱櫈），比较好坐啲。装修无红磡店咁美式风，但佢睇得出仍以海洋为主题，如海洋相关嘅海报、喷画、壁灯及一啲拉起吊灯嘅麻绳，配合上柔和灯光，感觉舒服轻松。
食物方面，仍以海鲜及汉堡为主打，此外，仲有小食、沙律、汤品、肉类及意粉，数数吓，都有几多选择。
饮品方面，咖茶汽水以外，更有多款特饮，我就拣咗杯特色咖啡，而老婆亦拣咗杯特色花茶。
餐牌有多款小食，最好就点杯啤酒嚟配搭，所以，店家亦有生啤、手工啤供应，而且，更有埋餐酒添。
不过，最著数就梗喺点啤酒，因为见门口贴咗张推广单张，就喺惠顾啤酒有买二送一优惠，唔怪得当晚都见唔少人队番支啤。可惜我同老婆都唔好啤酒，实在无福消受。
法国鲜蚝汤 $48外貌唔讲嘅话以为野菌忌廉汤，当然，一入口就明白喺鲜蚝汤，皆因蚝味非常浓郁，鲜味尽出，质感又够滑溜，极有水准。
法国鲜蚝汤
$48
6 浏览
1 赞好
0 留言
野菜农场烤菇堡 $76之前晌红磡店曾试过「虾兵蟹将堡」及「香辣羊仔柳汉堡」，都记得前者非常有惊喜，后者羊仔柳好软腍，所以，对其所做嘅汉堡都有信心。馅料除有巨型大烤菇外，仲有蕃茄、三色椒、翠玉瓜粒、翡翠苗，再配车打芝士，就算全素，一啲都唔「寡」，口感极具层次，包身又够软熟，配上薯条及沙律，大满足。
野菜农场烤菇堡
$76
11 浏览
1 赞好
0 留言
明太子海鲜扁意粉 $108意粉类共有6款选择，平贵都有，拣咗个中间价嘅海鲜扁意粉，扁意粉煮得好有咬口，烟韧好食，而个忌廉汁加入明太子，滑溜之余，多添一份咸鲜，稀杰度啱啱好，令扁意粉轻易挂汁；而鲜带子、鲜虾都十分新鲜，后者更好爽口，用料不赖。
明太子海鲜扁意粉
$108
7 浏览
1 赞好
0 留言
玫瑰柠檬蜂蜜 $30老婆所点嘅花茶，本来想要热嘅，但店员话冻饮效果更好，不过，就要求少冰，唔想饮得太冻。首先，幽香嘅玫瑰味甚突出，随之而嚟喺柠檬嘅清新，加上用蜂蜜调和，𠮶份甜味嚟得自然，带点冰凉嘅感觉，真喺唔错㖞。
开心果仁鲜奶咖啡 $34平常饮鲜奶咖啡不外乎都喺榛子、焦糖之类，但见佢有款开心果仁口味，又几想试试。墨绿色瓦杯，从杯面散发出醇香嘅咖啡味，虽然无拉花（都预咗，始终都唔喺家咖啡店），但入口算唔错，香滑而渗出点点开心果仁香味。
今餐嘅素堡故然满足晒老婆食素嘅要求，而个海鲜扁意粉同样唔差，虽然价位唔算贵，但以乐富区计，可能啲街坊觉得唔够大众化，但观乎当晚爆场嘅情况，唔少一家大细嚟食汉堡、海鲜，就知喜欢食好嘢嘅大有人在。
张贴
