養心殿台式養生鍋 (已結業)

『养心殿』听就听得多，今次终于有机会见识下～荃湾分店位于大鸿辉，都几就脚！入到去见到啲装修好靓，好中式，好有古代嘅味道。我地6点去到，食客唔算多，一坐底就拣左汤底先，贪心嘅我地拣左个鸳鸯锅，美人锅×麻辣锅（小辣）两边都分别有超多汤料，个锅一滚起，啲香气即时四散！墨鱼滑密度好高！咬落鲜味，而且好弹牙！莴笋系厚切嘅，食落好有质感！火锅配料嘅选择都算多，肉类、蔬菜、海鲜⋯⋯样样都有啲，仲有小食类，肚饿得滞可以食住先。整体来讲，环境和食物都系水平之上，不过价钱比起其他火锅略嫌有啲贵。好在八点半前埋单有七折，悭咗接近$300😍