民華餐廳 (已結業)

翻到黎以前读书时既坚尼地城，当然食最地道既茶记。一出地铁站B出口就见到一排餐厅，行两步就见到呢间民华餐厅。黎到就见到餐牌上既常餐，价钱$41几吸引，已经包通粉、多士、双蛋、咖啡或茶。我拣左番茄牛肉通粉。劲大碗，入面都几多牛肉，仲有粒粒番茄，番茄汤底超浓郁。多士炕底够晒脆，仲几厚身，中间搽满牛油，超正，决定加钱叫多份西多士。西多士卖相够晒吸引。切开九宫格咁方便食。一样超厚身，面头可以拣落炼奶或蜜糖，我拣左炼奶。每啖都超满足，因为真系超大块，而且又唔会觉得太油腻。