八寶清湯腩

营业中

休息中

牛腩面真系香港本地代表食物之一，每条街都平均有一间牛腩粉面店。今次去到天后就一于试下呢间连续两年2022至2023荣获米芝莲牛腩面值唔值推荐。因为好多食店一上榜米芝莲好快就会挨唔住加租结业，所以趁热试左佢！🍜清汤萝卜三宝面 $98★★★☆☆虽然清汤但汤底好浓郁重药材当归味道，唔油腻，冬天饮落特别暖身。三宝分别系牛腩、牛肚、牛根。牛腩软稔入味；牛肚就炆到好入味，保持爽弹；牛根系三样野入野稍为可惜，软硬质感不一，有几旧仲系太硬身，未炆到够火口。萝卜冇渣，唔算特别清甜，可以再炆淋D。🍜清汤萝卜牛宝捞面 $128★★★☆☆呢个价钱咁贵，真系要试清楚！牛宝分别系坑腩、崩沙腩、爽腩，每款都3-4大旧，女仔食量黎讲份量多，。幼面面质仲系好爽口，食落好清爽，加埋辣椒酱捞黎食一流。最好食系崩沙腩，亦即系牛横膈膜连著腩肉，够软腍，肥瘦算系刚好。坑腩个肉味都浓郁，但就有少少鞋身。最麻麻爽腩，唔算特别爽。整体味道上系OK，但呢个价钱就性价比唔高。🌟总括：可以一试，但未必会经常黎食，始终价钱偏贵。