城大中菜廳

营业中

休息中

好耐无嚟过「城轩」，唔喺，喺「城大中菜厅」，因为十年八年前间唔时会晌星期日嚟饮茶。原来，呢年啱啱转咗手，仲改名为「城大中菜厅」，以示佢喺城大所属。是日，因嚟到城大参观一啲义工服务，午餐就嚟到呢度饮茶、食点心。星期六嘅午市都几多客，算喺坐满，晌用餐期间亦见到有翻枱，相信「城大」个价位点都平过对面又一城任何一家中菜馆啦。至于整体嘅环境，装修属于平实型，完全见唔到有咩浮夸嘅装饰。因为一切已安排好晒，所以，都喺坐低食食食。原只鲜虾肠啲肠粉皮都拉得几薄，薄透睇到啲大虾，但入口就唔算好滑溜，不过，啲虾就又大又爽又鲜甜。雪山叉烧包无论传统嘅叉烧包，还是叉烧餐包，甚至雪山叉烧包，我都钟意食。眼前嘅雪山叉烧包焗得都几香，入口松软，叉烧馅都约香浓。鲜虾菜苗饺菜苗饺折得几靓仔，造型工整，而啲饺皮够薄透，软熟唔黏牙；鲜虾与菜苗嘅比例恰好，入口既有鲜虾嘅爽甜，但又有菜苗嘅清香。流沙奶皇包自从有「流沙」呢样嘢，经常成为我嘅心水，流沙奶黄真喺又香又好食，热辣辣时𠮶阵咸香味，真喺一流。可惜，包身我就觉得有啲厚身。蟹籽烧卖皇通常话虾饺皇就用啲又大又鲜嘅靓虾做卖点，但叫烧卖皇就一直理解唔到会有咩亮籽，加蟹籽更非新鲜事物。