影片
更多
2014-09-13
3250 浏览
4月21日, 虽然呢头系个旧区, 但系因为近住太古坊, 所以周围都会有唔同种类嘅食店. 走入旧式大厦海山楼会发现呢间非常隐蔽嘅cafe, 真系好唔起眼, 但系当走近一看, 餐厅几有特色, 装修别致, 同出面嘅旧大厦形成一个对比~::: 杂菜汤 + 黑椒汁咸牛脷长通粉 + 啤梨百香果绿茶 ::: $58lunch set包括汤或沙律, 主菜同果茶, 都算抵食~ 杂菜汤饮得出系自家制, 味道虽淡但系天然, 冇𠮶d化学味道, 少少甜带有酸味~ 杂菜都好清淡, 煮得几入味, 唔错~长通粉卖相都几好, 个黑椒汁似乎杰咗少少, 不过捞通粉食又估唔到几夹~ 牛脷味道唔算浓, 入口几淋好易咬, 有3件都系正常份量~ 加上配碟有少少西兰花萝卜等等嘅蔬菜, 都几健康~跟餐可以叫一d花茶果茶咁, 我地就要咗是日特饮啤梨百香果绿茶, 味道有d过甜, 啤梨味过多, 唔系好饮得出百香果味, 怀疑唔系天然制, 呢d饮品都系可免则免.::: 杂果沙律 + 意式蕃茄蓉海鲜杂锦意粉 + 啤梨百香果绿茶 ::: $55杂果沙律系鲜果同罐头杂果嘅混合体, 由于有新鲜生果嘅点缀, 杂果沙律加上适中嘅沙律酱味道都尚算讨好~意式蕃
::: 杂菜汤 + 黑椒汁咸牛脷长通粉 + 啤梨百香果绿茶 ::: $58
lunch set包括汤或沙律, 主菜同果茶, 都算抵食~ 杂菜汤饮得出系自家制, 味道虽淡但系天然, 冇𠮶d化学味道, 少少甜带有酸味~ 杂菜都好清淡, 煮得几入味, 唔错~
长通粉卖相都几好, 个黑椒汁似乎杰咗少少, 不过捞通粉食又估唔到几夹~ 牛脷味道唔算浓, 入口几淋好易咬, 有3件都系正常份量~ 加上配碟有少少西兰花萝卜等等嘅蔬菜, 都几健康~
跟餐可以叫一d花茶果茶咁, 我地就要咗是日特饮啤梨百香果绿茶, 味道有d过甜, 啤梨味过多, 唔系好饮得出百香果味, 怀疑唔系天然制, 呢d饮品都系可免则免.
::: 杂果沙律 + 意式蕃茄蓉海鲜杂锦意粉 + 啤梨百香果绿茶 ::: $55
杂果沙律系鲜果同罐头杂果嘅混合体, 由于有新鲜生果嘅点缀, 杂果沙律加上适中嘅沙律酱味道都尚算讨好~
意式蕃茄蓉海鲜杂锦意粉材料丰富, 卖相精致开胃~ 其实所谓的海鲜杂锦都系d虾仁、蚬肉、鱼肉、蟹柳等普通野, 意粉煮得软淋适中, 加上番茄蓉酱汁清新香甜, 实在开胃! 仲有d西兰花红萝卜等做配菜, 更觉健康~
呢间cafe感觉都几写意, 同附近嘅环境形成一个强烈对比, 喺出面个平台仲有d公公婆婆玩纸牌~ 见到厨房收银全部都系年青人, 应该都系创业青年, 可能贪呢度租平啦, 希望佢地可以比d心机做好佢~
张贴
