影片
更多
2022-02-12
863 浏览
6-2-2022 (Sun)同老公买𩠌,佢话买叉烧嚟炒蛋,原本去宏泰,但见越嚟越多人,就唔帮趁住,行去烧味馆睇,老公话个样好似唔得,于是行嚟新开嘅呢间,已经有条人龙.我睇到价钱系$128.00一斤,比烧味馆贵$10.00.我哋排咗好耐,听到前面嘅女士讲呢喥嘅烧味全部都好味,咁我同老公商量,既然排咗咁耐,净系买叉烧好似好唔抵,不如买多一样,老公就话烧肉.好的.终于到我哋喇,由于见到再之前𠮶个客人买嘅叉烧差唔多有一斤,于是心中有数买几多,就决定要半斤,然后要埋沙梨笃嘅烧肉,店员指俾我睇系边旧,我就叫师傅切2吋厚嘅啦.最后叉烧系$65.00,烧肉系$60.00,睇吓张单,原来我哋啱啱等咗半个钟至买到.返到屋企,同老公急不及待试食.叉烧唔肥,口感系松化亦食到蜜汁味,但似茶楼蒸叉烧肠𠮶种质素,呢个唔系我杯茶.味道:3分而烧肉呢?全瘦嘅,唔太咸,个皮好脆,但有少少烧过龙嘅焦味.味道:3.5分服务:老板会企喺喥 睇住条分成两截嘅人龙,唔俾人打尖.
我睇到价钱系$128.00一斤,比烧味馆贵$10.00.我哋排咗好耐,听到前面嘅女士讲呢喥嘅烧味全部都好味,咁我同老公商量,既然排咗咁耐,净系买叉烧好似好唔抵,不如买多一样,老公就话烧肉.好的.
终于到我哋喇,由于见到再之前𠮶个客人买嘅叉烧差唔多有一斤,于是心中有数买几多,就决定要半斤,然后要埋沙梨笃嘅烧肉,店员指俾我睇系边旧,我就叫师傅切2吋厚嘅啦.
最后叉烧系$65.00,烧肉系$60.00,睇吓张单,原来我哋啱啱等咗半个钟至买到.返到屋企,同老公急不及待试食.
叉烧唔肥,口感系松化亦食到蜜汁味,但似茶楼蒸叉烧肠𠮶种质素,呢个唔系我杯茶.味道:3分
而烧肉呢?全瘦嘅,唔太咸,个皮好脆,但有少少烧过龙嘅焦味.
味道:3.5分
服务:
老板会企喺喥 睇住条分成两截嘅人龙,唔俾人打尖.
张贴
