東寶小館 (已搬遷) 新店位置

突然听到东宝，就谂起鸡蛋焗鱼肠同埋荷叶饭，咁啱今日约一大班朋友聚会，谂都唔使谂就嚟东宝啦！一坐低，除咗鱼肠荷叶饭，仲有最钟意嘅金银蛋菜，友人简咗黑椒知足牛仔骨同埋菠萝咕噜肉。本身想叫佢哋嘅风沙鸡，点知班友仔宁愿要咕噜肉，激死我讲返嘢食，每样小菜都好有大排档feel，特别系牛仔骨，好林够味但如果再重啲黑椒就perfect啦！咕噜肉啱啱炸起用上鲜菠萝，略嫌唔够啖啖肉🤭荷叶饭就梗系好味，用料丰富，每一啖都有饭有𩠌！最后登场焗鱼肠，焗到表面好脆口，一啲腥味都冇，出色！加埋胡椒粉一流。虽然系大排档，服务一啲都唔系大排档质素，落单姨姨好nice，仲同我哋讲笑，问多两条问题都得！仲有甜品送😋不过啱啱醒起，最后无问到就直接拎单嚟埋单，感觉上有嘅赶我哋走🤔🥲