食力點心·雞煲專門店 (已結業)

前几日成班中同终于夹到时间食饭，拣左方便大家既中间点尖沙咀，但可以坐得耐同可以坐咁大班人既餐厅唔多，最后拣左呢间可以一大带人食鸡煲、打边炉同食点心既食力点心鸡煲火锅。一开始友人好肚饿，好想食点心，我地就叫左两个点心，分别系潮洲靓粉果同云南野菌饺，以为餐厅又做火锅又做鸡煲，点心未必做得太好食，但出乎意料地好食，皮薄，而且烟烟un un，又好有地道粉果味，有芹菜冬菇虾米等等，好足料，味道亦好入味。之后我地6个人嗌左个大鸡煲（唔辣），鸡煲好唔好食，最紧要系个汁，呢到个鸡煲落左好多香料，个汁分惹味，而且d鸡肉煮到岩岩好，岩岩熟好嫩滑，由于大家都好肚饿，唔够十分钟已经比我地抢哂，哈哈！一个鸡煲点够满足我地，呢到除左点心任食，所有火锅料都系任添，点心都几多选择，有肠粉、糕点、虾饺凤爪，火锅料有厚切肥牛羊肉大虾青口，唔同种类既手打肉丸，选择好多！我地应该encore 左10碟以上既肥牛，d肥牛唔会太肥，岩哂女仔食！其他配料都好新鲜！而且亦有新鲜河虾，青口等等海鲜，桂花糕就一般般，食得出落左唔少鱼胶粉。$168一位有咁多野食，都算唔错，性价比都几高！野饮方面仲有好多汽水、凉茶、啤酒比我地选择，唔错！下