影片
更多
2022-10-08
1709 浏览
老婆约咗兄弟姊妹饮茶，一大班人都话想试下呢间米芝莲级数嘅点心专门店，店舖位于商埸地下近戏院位置，地铁一出就系商埸，唔怕日晒雨淋，超方便。去到12点钟之前，所以都即刻有位，点心纸得一大张，一眼睇哂，人多嘅好处就系可以试多几款点心，茶位就要每位5元， 都几化算！酥皮焗叉烧包就必试，包面系一层脆脆嘅墨西哥包皮，叉烧馅料多汁饱满，一试难忘！豉油皇炒面够干身，唔油腻，味道刚刚好、炸两，肠粉皮嫩滑，入面嘅油炸鬼仲好脆身，正！至于碟韭王鲜虾肠，虾肉爽及鲜，虾嘅份量都算多，唔错！陈皮牛肉球唔算大粒，冇乜陈皮香味，个人觉得较普通、潮州粉果冇试到不作评论、鲍汁凤爪，鲍汁都够，有鲍汁味，凤爪软淋度啱啱好，个人觉得大过淋反而冇咁好，要有啲咬口先至正！家乡咸水角就外皮唔够脆，只系一般水准！晶莹鲜虾饺（唔记得影相），虾饺皮真系做到晶莹剔透，入面嘅虾好爽口，够鲜味，一啖一只够哂爽！
去到12点钟之前，所以都即刻有位，点心纸得一大张，一眼睇哂，人多嘅好处就系可以试多几款点心，茶位就要每位5元， 都几化算！
酥皮焗叉烧包就必试，包面系一层脆脆嘅墨西哥包皮，叉烧馅料多汁饱满，一试难忘！
豉油皇炒面够干身，唔油腻，味道刚刚好、炸两，肠粉皮嫩滑，入面嘅油炸鬼仲好脆身，正！至于碟韭王鲜虾肠，虾肉爽及鲜，虾嘅份量都算多，唔错！
陈皮牛肉球唔算大粒，冇乜陈皮香味，个人觉得较普通、潮州粉果冇试到不作评论、鲍汁凤爪，鲍汁都够，有鲍汁味，凤爪软淋度啱啱好，个人觉得大过淋反而冇咁好，要有啲咬口先至正！家乡咸水角就外皮唔够脆，只系一般水准！晶莹鲜虾饺（唔记得影相），虾饺皮真系做到晶莹剔透，入面嘅虾好爽口，够鲜味，一啖一只够哂爽！
张贴
