壹級日本料理 (已結業)

一大班人话要去食嘢，通常买单都要四，五百蚊一个。可能我哋特别为食。。所以好多时都系拣啲平平哋嘅中式小菜为大家嘅荷包悭下。今日忽然间谂起呢一间日本野，佢嘅价钱相宜得来嘅食物质素又唔错，所以今餐食咗好多野，除返埋都系二，三百蚊个人，绝对抵食。首先就叫咗个鳕鱼干食住先，可以一路等朋友一路食。我好钟意食呢个，因为咬落去脆卜卜，又香口，仲可以点我最钟意嘅沙律酱食。跟住就点左几款唔同嘅串烧，我觉得最特别嘅就系鸡皮串烧同埋苹果豚肉卷。鸡皮其实好少会见到做串烧，日本先会常见d。而苹果豚肉卷就真系系出边食都无食过，佢嘅配搭真系比较特别。出面系烧烤嘅肉香，薄薄的肉片包住入边旧苹果粒，酸酸甜甜又开胃，又好食。蒲烧鳗鱼饭呢个又真系几唔错，唔似系啲即食嘅鳗鱼就咁叮翻热佢就算。会经过烤一烤，所以有烤嘅香气，而且份量亦唔少，套餐仲会配埋个面豉汤饮，不错。如果惠顾套餐仲可以加个三文鱼刺身，另外仲会有个三文鱼水拨加埋，平时可能好少会食到呢一个位。其实就系三文鱼鮨𠮶个位置，呢个位嘅油脂会比较多啲，所以食落去好creamy ，好满足，一定要试下。