嘉寶小食 (已搬遷) 新店位置

话说儿时老死有日讲起嘉宝汉堡，话好想试下，咁就揾左日星期五晚同佢试试。(基本上，我一个月都会帮衬一两次，因为近屋企。)我地大概七点半左右就到左，门口已经坐左几枱人，为左凉冷气，我地唯有等店内坐位，好在等左五分钟就有位。一坐低我地就即刻叫野食，点解？一黎依家人手不足；二黎系超多外卖；三黎系佢地系即叫即整，唔会HEA做！最后我地叫左个黑松露牛堡餐同紫菜肉松猪堡餐，再加一份我次次必叫的炸烧卖！大概等十二三分钟就有得食...依个紫菜肉松猪堡，块慢煮猪汉堡热辣juicy，紫菜肉松又系prefect match，边有可能唔好食~明显唔系加工货，绝对系真薯条，我每次都会加酸梅粉，正~扺食炸烧卖，外脆内软，邪恶之选~老实讲，连锁垃圾汉堡真系无得比，价钱又亲民，阿姐忙都甩辘都有讲有笑，楼面小伙子殷勤有礼，抵赞，真心推介！