餃掂手工餃子雲吞專門店

好耐无食饺，收工捉咗旧同事陪我去湾仔食饺🥟谈心，齐齐诉一下工作的苦。今日落大雨🌧，店舖难得唔系好多人，啲姐姐心情好好非常Nice，萝卜前菜都大兜d我地最后叫咗：龙凤松茸饺粟米猪肉汤饺蜜饯鸡翼椰菜猪肉汤饺四川凉皮 -今次过到嚟冇咗我好钟意食嘅麻辣猪肉饺有少少伤心，好彩我每次嚟到都必点嘅粟米猪肉饺都仲喺度。-香香甜甜嘅粟米猪肉饺咬落去非常多汁，而且佢哋嘅粟米唔系罐头味，而系新鲜粟米嘅味道。椰菜猪肉就口感比较爽脆一啲，都唔错。龙凤松茸饺一黑一白嘅黑白配组合，虽然白or黑松露都唔平，但系餐厅落得够重手，松露迷值得一试，配搭佢哋自家制嘅状元九鼎汤，则更显心思及独特，出面冇乜地方食到呢个口味。小食方面蜜饯鸡翼半甜半咸，肉质柔嫩，令人不能自拔。四川凉皮则清爽中带辣劲，烟韧弹牙，口感甚佳，每次都系佢同埋四川凉面之间挣扎许久。