名薈酒家 (已結業)

标题咁写, 系有原因的!寻晚同外家成家人去名会食饭, 提早做节 (中秋节), 一家大细加埋六个人, 叫左几样小菜食, 包括: 乳猪件, 猪脚仔, 虾酱a菜, 酥炸牛腩件, 姜葱大鳝煲, 咕噜肉同埋龙虾伊面底 (呢味要三百几蚊, 因为成只上)乳猪好有水准, 好好食, 皮够脆, 肉唔靭, 烧汁够入味; 猪脚仔都好正, 慢慢损, 好滋味!酥炸牛腩件我十分之欣赏, 牛腩唔靭, 松化的酥炸做法令牛腩更香更好味, 仲有黑椒汁同柠檬汁俾我点, 正!姜葱大鳝煲热辣辣, 香喷喷, 鳝肉有弹性, 绝对系新鲜的肉, 姜葱汁味道好好, 咕噜肉都好食, 唔会太甜或太酸, 味道啱啱好正想大赞之际, 出事喇!! 龙虾伊面个汁原本系芝士焗的, 但味道好似奶粉的味, 本来都唔系大问题, 因为都唔算太难食, 但系龙虾件出奇地有一半系臭的, 仲臭到入唔到口真系一子错, 满盆皆落索, 本来要俾笑脸, 但因为碟龙虾, 变成了一个ok