寶時茶餐廳

营业中

休息中

为左写宝时依篇食评，特意到访多次。原因有二，一系想影多几张。二系证明佢既质数稳定。无多余既油，干身，又大碟，只卖三十六。重可以食埋怀旧装修，超值三次黎分别食左干炒牛河，干炒叉烧公仔面同星洲粉米。单睇相就已经知份量十足。干炒牛河既牛肉有咬口，碟底无油，配菜都够香，可比美坊间过百元水平。干炒叉烧公仔面，d叉烧好似唔驶钱，好多，公仔面炒完都唔干，加埋个汁，正～星洲粉米够镬气，唯一美中不足系d虾，急冻货色，无味。总体而言，宝时既炒粉面十分出色，眼见其他食评都只试汤面、饭或常餐，所以特意作另一个视角既评论以供大家参考。与其比好贵去仿怀旧餐厅，倒不如黎依间真古旧餐厅，食个炒野怀旧一番。