影片
更多
2009-02-28
39 浏览
行过见佢今日唔多人排队，就去试吓啦﹗点知就出事……由我开始排队至买完走人，足足用左15分钟，仲要我当时系排紧第3个人﹗排紧队个阵，我都已经想走，但又好似唔抵咁（都系自己衰）一路排队，我就睇到点解d服务会咁慢：1. 女工就多喇，但做嘢慢吞吞……我系排第3，但轮到我收钱个阵已经系第8分钟嘅事；2. 唔明点解每一份食物都要逐份洒粉，点解唔一齐洒，又或者系一炸完就洒定先？我之前个位就系咁喇，买左好多份食物，阿小姐就逐份执，逐份洒，逐份入袋；如果佢手势系快10倍会好好多lor3. 唔明点解d女工又要带手套，又要用kim黎夹鸡？咁系咪会真系衞生d呢？我只睇到就系好唔方便﹗讲返d食物，我买了一份bb鸡，即7旧冇骨炸鸡；同一份细鸡味薯条……bb鸡，未食都已经知道系十分非常很热气，佢仲洒左d小辣粉（其实又唔知系乜香料？）；我一路轻铁返屋企，车厢d人就um住个鼻；都唔好话人，我自己都顶唔顺，打左几个乞痴﹗系度都要同d同车嘅叔伯师奶讲声唔好意思。返到屋企食嘅时候……就肯定唔会再帮衬﹗d鸡嘅炸粉十分多，加上一d肉汁都冇，系冇诚意兼揾笨之作﹗所以我明点解佢要洒咁多香料系上面，原来系带起d味；亦只有香料味，
由我开始排队至买完走人，足足用左15分钟，仲要我当时系排紧第3个人﹗排紧队个阵，我都已经想走，但又好似唔抵咁（都系自己衰）
一路排队，我就睇到点解d服务会咁慢：
1. 女工就多喇，但做嘢慢吞吞……我系排第3，但轮到我收钱个阵已经系第8分钟嘅事；
2. 唔明点解每一份食物都要逐份洒粉，点解唔一齐洒，又或者系一炸完就洒定先？我之前个位就系咁喇，买左好多份食物，阿小姐就逐份执，逐份洒，逐份入袋；如果佢手势系快10倍会好好多lor
3. 唔明点解d女工又要带手套，又要用kim黎夹鸡？咁系咪会真系衞生d呢？我只睇到就系好唔方便﹗
讲返d食物，我买了一份bb鸡，即7旧冇骨炸鸡；同一份细鸡味薯条……
bb鸡，未食都已经知道系十分非常很热气，佢仲洒左d小辣粉（其实又唔知系乜香料？）；我一路轻铁返屋企，车厢d人就um住个鼻；都唔好话人，我自己都顶唔顺，打左几个乞痴﹗系度都要同d同车嘅叔伯师奶讲声唔好意思。返到屋企食嘅时候……就肯定唔会再帮衬﹗d鸡嘅炸粉十分多，加上一d肉汁都冇，系冇诚意兼揾笨之作﹗所以我明点解佢要洒咁多香料系上面，原来系带起d味；亦只有香料味，唔系鸡味﹗
到个薯条，号称全球首创鸡味薯条……唔识欣赏，鸡味就食唔到，香料味就食到咳……
食完之后记得饮劲凉茶。记得买嘢个阵，阿姐话有积分咭，我头也不回就冇要到，睇黎，我呢个动作系绝对明智﹗
张贴
