滿粥順德粥底海鮮火鍋

营业中

休息中

钟意食海鲜粥嘅一定唔可以错过呢间餐厅，佢哋嘅招牌「肉蟹餐海鲜粥」简直超级吸引，价钱好抵，性价比极高，套餐包括有有多款海鲜，全部都非常新鲜，所以煮出嚟嘅粥非常鲜甜。🍲套餐包括咗七款嘅时令海鲜，有沙白、大蚬、鱼肉、基围虾、鲍鱼、圣子、蟹等，值得一赞嘅系店员会提醒每一款海鲜需要煮几耐，所以可以自己落手落脚试吓煮，同时又唔使担心会太熟。我最推荐嘅系鲍鱼，非常鲜甜而弹牙，另外，圣子都非常爽入另外圣子都非常爽口。🫶🏻而自选火锅配料亦非常丰富，我地就拣左美国肥牛、黑毛猪腩片、韭菜猪肉饺、姜汁皮蛋贡丸、日本蟹棒、鱼腐竹卷。特别推荐姜汁皮蛋贡丸，爽口弹牙，一啖尝到姜嘅香气，非常创新特别🍲。煮粥时店员加入粟米、红萝卜、芋头三款配料令粥更加有层次感，蔬菜嘅自然清甜味道同粥汁互相融合，更显鲜味🌽。