川燒 (已結業)

老公话我知佐敦有间佢好想食嘅串烧，于是今日放工就专登过嚟同佢食，原来老公话佢每次经过都觉得好正，串烧味劲香😊餐厅嘅格局似日本嘅居酒屋，装修都有少少风格，好多摆设都系实木设计！店员话呢一度落单之后系即叫即烧，所以全部都新鲜滚热辣上枱😍食完之后，真系觉得物有所值，已经开始期待下一次再嚟食😚 烧鲜白鳝，外皮脆身，鳝肉鲜嫩多汁，滑滑溜溜🥳入口仲有阵炭烧香味！汁烧榖饲一口牛，谷饲牛本身油花饱满，口感鲜嫩，经过一烧，啲油出哂黎更正，中晒老公个胃口🤩烧特级厚切牛脷，师傅真系烧得非常之好，牛脷保持爽脆，中间依然都系粉嫩色，肥嫩嘅口感真系令人爱上❤️