糖蓮子 (已結業)

系红磡见到有好多甜品铺，听讲有杂志推介过「糖莲子」，加上系星期日下昼，铺头冇咩人，所以就同朋友两个人入去试下。一睇个餐牌，花多眼乱唔知拣咩甜品好，于是系人气龙虎榜度拣，好多甜品既名都好特别，例如：龙王宫、黄金甲，最后嗌咗Bailey's雪糕红豆冰、美女与野兽。好少见甜品铺有Bailey甜品，只系试过自己买Bailey沟云尼拿雪糕食，个Bailey红豆冰整得好有心机，好大个雪糕球系红豆上面，成个表面铺满朱古力粉，红豆比普通既大粒，加上雪糕，咬落软淋淋，仲有好香既酒味，唔会好甜。美女与野兽系奶冻加Brownie朱古力蛋糕，两样都唔太甜，奶冻好滑，Brownie有好浓朱古力味，系一个几好既配搭，有机会一定再黎，试埋其他甜品！