富東閣海鮮酒家 (已結業)

今年中秋节跟亲友试吓去富东阁做节啦！想不到呢间酒楼唔单𩠌菜好味，而且价钱唔贵，仲好抵食呀！我哋先点咗D烧味试吓，哗! 叉烧正，烧腩仔仲正，个个都争住食。后来点了十二道菜，妈妈最钟意龙趸两味，话好鲜好味，好抵食。我至爱菠萝咕噜肉，即叫即炸好脆口，酸甜度一流。家姐最爱瑶柱蛋白炒饭，佢话炒饭睇落简单，但简单先可以见到真章，佢话呢碟炒饭干身、不油腻，系上品！要数最受小朋友欢迎嘅两道菜系金沙赛螃蟹和芒果布甸，卖相非常吸引，一上菜就去抢住食。最后要赞嘅系寿包，虽然等耐咗D，但值得，因为又系即叫即做即蒸，𠮶包好大，阿爸话好食过月饼多多声，食咗撑到个肚大一大。耀安邨终于有间好嘅酒楼啦！我下次一定会再帮衬!