Cheeky Dog Hot Dog (已結業)

上次睇完医生，谂住喺附近医肚，竟然俾我喺条小巷揾到呢间热狗店。我见餐厅环境几chill, 餐牌都几吸引，最正系佢logo只老虎狗，就决定试下。我问女店员有咩必食推介，佢见我只手包紥左，就好贴心咁问我有无野唔食得，我话唔食得辣。佢就介绍左南乳鸡翼同「巨雕」热狗。南乳鸡翼表层酥脆，鸡肉嫩滑多汁，南乳味我建议可以加多啲，因为我自己都中意食南乳。「巨雕」热狗其实系鸡肉肠热狗，配合佢个酱汁真系好夹，好食。同女店员倾左几句，先知原来佢系老板娘（咁后生就做老板，羡慕）。老板娘以前做开餐厅（几出名嘅扒房），一直都想开间自己嘅餐厅，上年年尾就辞工同朋友夹份开左呢间店，一圆老板梦。每间小店都有佢背后嘅故事，享受美食之余，更重要系人与人之间嘅联系。一定会同朋友再黎试下。