辣辣屋

营业中

休息中

有朋友最近搬左去联和墟，不过佢仲未执好屋企，所以我地就落左楼下食入伙饭，点知就俾我地发现左呢间宝藏小店，呢度环境都几阔落，而且装潢都几chill。泰式冬阴功烤鱼我地嗌左冬阴功味烤鱼，条鱼好大条，而且又有鱼食又有汤饮，我同朋友2个人净喺食鱼已经饱晒，啱啱上枱嘅时候条鱼煎到酥脆，冬阴功汤滚左之后我舀左碗汤黎饮，呢个汤底微辣，唔食得辣嘅朋友都食得津津有味。啱啱滚嘅时候食条鱼仲喺外脆内软嘅，已经觉得好正，点知之后越煮越入味，更加好食，鱼肉嫩滑爽口，鱼皮吸埋汤汁之后更加喺一绝。烧牛舌 蒜烧茄子我地非常满意佢地嘅烤鱼，虽然我地食完鱼已经好饱，但喺我地就想试埋佢地嘅串烧系咪都一样咁好味，我地拣左牛舌串烧同埋茄子，结果劲有惊喜。牛舌好juicy好香，牛味劲重，我地完全唔舍得点酱，因为原味已经好正。茄子都好香甜，蒜香味啱啱好，唔会有苦味，整体水准唔错。冻柠檬泰姜蜜呢个姜味劲重，姜嘅辣味分分钟仲辣过个冬阴功烤鱼，如果喺姜嘅爱好者应该会好中意，配埋柠檬嘅酸，成个野饮都几fresh下。