和歌山 (已結業)

今日开始搬office, 虽然湾仔尾搬湾仔头, 但我又真系好少系呢头食饭. 难得今日食饭有得claim返公司, 无理由去食茶记. 我同同事去左间门面几独特既日本餐厅, 虽然迟左少少食饭, 但可能未过饭市, 所以都要等一阵.入到去坐, 坐位都几濶, 环境几舒服, 做到热热地, 所以我叫左海老冬荫冷面, 我同事叫左一本猪软骨拉面, 再加多个小食, 个名劲得意, 叫山椒鸟唐扬.我个海老冬荫冷面, 比我想象仲泰式feel, 其实我食开冬荫功食物, 都系热食多, 真系好少冻食, 估唔到搭个冷面一齐食, 味道又好配合, 加上有少少酸辣, 食落好开胃, 仲有D清新感觉.我同事叫个碗一本猪软骨拉面, 见到佢个汤底好似清汤咁, 好清澈, 我同事话唔油腻, 无听错的话, 好似系鲣鱼鸡汤, 我见佢果碗猪软骨, 唔系件上, 系一块上, 真系第一次见, 我试左少少, 肉好松软, 而且真系有溶系口既感觉.小食-山椒鸟唐扬, 虽然睇佢餐牌英文解释,知佢系鸡肉黎, 但真系比个名吸引, 黎到时, 我地都觉得卖相比佢餐牌黎得重靓,嘻~ 食入口外面层真系好脆, 鸡肉唔”鞋” 而且好Juice, 加埋佢个酱汁, 一D都唔油感